Ymagweddau a dulliau addysgu ail iaith effeithiol: asesiad cyflym o’r dystiolaeth

Diben yr Asesiad Cyflym o’r Dystiolaeth yw llywio gwaith Llywodraeth Cymru yn cynllunio darpariaeth y Gymraeg i ddysgwyr 3-16 oed, a hynny wrth iddi fynd ati i ddiwygio’r cwricwlwm a’r trefniadau asesu yng Nghymru.

Mae’n asesu ymchwil ar arferion ac ymyriadau addysgu ail iaith a ddefnyddir mewn cyd-destunau rhyngwladol a chenedlaethol yr un fath â Chymru neu’n gyffelyb iddi, gan roi sylw i’r cwestiwn ymchwil canlynol:

‘Pa ymagweddau a dulliau addysgu sy’n effeithiol wrth ddatblygu cymhwysedd ail iaith dysgwyr ifanc, yn ôl tystiolaeth empirig o ansawdd uchel?’

Cyflwynir canfyddiadau’r astudiaeth mewn synthesisau o’r dystiolaeth, o dan chwe maes cymhwysedd iaith: geirfa, gramadeg, darllen, ysgrifennu, siarad a gwrando, a chymhwysedd iaith gyffredinol. 

Mae’r adroddiad yna’n cyflwyno crynodeb o’r canfyddiadau wedi’u cymhwyso i gyd-destun Cymru. Mae hefyd yn nodi bod materion seicoieithyddol, cymdeithasol-ieithyddol, addysgol ac affeithiol allweddol, a hepgorwyd o gwmpas yr astudiaeth hon, sy’n berthnasol i ddyfodol addysg iaith Gymraeg effeithiol, ac yn nodi meysydd sydd yn haeddu sylw ymchwil pellach.